سلام

قاشلارینگی چک اورتایا
گوءزله کی گوءز اوغرامایا
بیرجه فوجوق یئنگی آیا 
بیر گیر توو کمانا وئر

سن هرنه ینگ چوخ گوءزلنگ 
سومه لی نازانگ اوءزلنگ 
هم ابدنگ هم ازلنگ 
گوءینومه بیر نیشانا وئر

گوءرگولو گوءز هر نه باخار
گوءزلر الینگ دن یاش آخار
هاینا بئله سن تلیخار
بیردم آمان زمانا وئر

اولدوزلاری سایاسایا 
توءک اتتگه پایلاش آیا 
آت سادایی آرپا چایا 
خان چوبانی موغانا وئر

دیرید خاقان دونیاسی نی
قوی باشا خان تامغاسی نی
گوءتور بو گوءینوم یاسی نی
بایداغی آسسیمانا وئر

کوچنده🌸🌸🌸