شعر زیبای تورکی قشقایی از شاعرگرانقدر قشقایی جناب آقای جهانبخش بخشی
💟💟💟💟💟💟💟
*یاشیل چؤلده یاغی جیران*
*سنینگ تایینگ بولا بیلمم*
*سننگ منه ساغی جیران*
*سنسیز دیرری قالا بیلمم*
🍏
*دنگیز تکین گؤی دیر گؤزینگ*
*آیا اوخشار ایششیق اوزینگ*
*گل بیر اینصاف وئرسن اؤزینگ*
*ایشقینگ چارا قیله بیلمم*
🍎
*تک یالینغیزقویما یانیم*
*سنینگ ایچی قاینار قانیم*
*اجل گلسه آلا جانیم*
*سن گلمه سنگ اؤله بیلمم*
🍏
*حلقه وورار کمان قاشلار*
*گؤز آتماغی گؤزینگ باشلار*
*گؤزلریمدن آخان یاشلار*
*جوشار هر دم سیله بیلمم*
🍎
*سن ومن و یاشیل باغلار*
*کؤلکه سالا اوجا داغلار*
*اوزاق دوشمه گؤزیم آغلار*
*بیلکی سنسیز گوله بیلمم*
🍏
*هرگون یاشیل چالسون باغینگ*
*قورروماسون گول دوداغینگ*
*سن جام اوسته؛منم ساغینگ*
*دئمه نازینگ آلا بیلمم*
🍎
*پادینانینگ آغ قارییانگ*
*جهانبخشینگ تک یارییانگ*
*سن اله مندن ساری یانگ*
*سندن آیری اۆلا بیلمم*
🍏
*جهانبخش بخشی چگینی*
*۹۹/۴/۵*
+ نوشته شده در جمعه ششم فروردین ۱۴۰۰ ساعت 2:20 توسط ائلیانا شاملو
|