elyanashamloo

*** اوُلماز ***

هَرکیمسه یی  بؤییگ ائدمه، هر بی بوتتا بؤییگ اوُلماز
گوءزی آجا  هَرنه وئرسَنگ، گَدایلیگدَن گوءزی دوُلماز
چینارلاردا  ریشه واردیر، خزان  وورسا گئنه سوُلماز
مَن آللاندوم سیز آللانمانگ، چیله لَرده کوءمیر اوُلماز
🌹
بوتتالاردا ریشه یوُخدور، بوُز بوتتایی یئل آپارار
کَنگَرلَرده ریشه یوُخدور، یاغیش یاغسا سئل آپارار
آدام  گوئرگ آغور  اوُلا، آغور اؤکی ائل آپارار
قیزیلی زَرگر  تانایار، قارون گَنجی دَمیر اوُلماز
🌹
قاطرلاردان سوُروشدولار، دئدیلَر کی بوُوانگ کیمدیر؟ 
 جوقاب وئردی نَنَم آتدیر، اصیل زاده بیر حَکیمدیر
شاعر دئیَر دوُغرو دئمَگ، مَن یوسوفینگ مَسلَکیمدیر 
اَمیر اَرسَلان بیرایدی، هَر اَرسَلان اَمیر اوُلماز
🌹
کوندالاردا  کوءمیر واردیر، چیلَه لَردَه کوءمیر اوُلماز
زَرگَر بیلیر قیزیل نه دیر، قارون گَنجی دَمیر اوُلماز
امیر اَرسلان  بیرایدی، هَر اَرسَلان اَمیر اوُلماز
قیزیلی یوُقورماگینان، بوغدا تَکین خَمیر اوُلماز

قیزیل: طلا
🌹🙏
یوسف شیبانی فارسیمدان
بیستم فروردین ماه 1400