آرزی واری گوره  سنی بیر داها
بو آرزییا چاتیب سونرا اؤله یدی
هئجران دوستاغینی ایله ش  گور داها
عاشیقینگیی کی دئیر «یاروم گله یدی»

بو زنجیرلر ال ایاغی یارالار
آمما عاشیق گؤینی سنی آرالار
آیریلیق بیر سانجی دیر مین یارالار
یارادان بو آیریلیقی سیله یدی!


یا سه وه نی سه وئلنه قوشایدی
کی فرهاد داغلارباشیندان آشایدی
مجنون دا اوز لیلیسینگنن جوشایدی 
یا تانریمیز آیری چارا قیله یدی!

یورولمیشام اوزولمیشام نه سیم دیر؟
چالا بیلمئیرم آخیرکی قسسیم دیر
دردامیم یاریم یئتیشسا بسیم دیر
«یانار» بو  عومروم پایلاسی دوله یدی

بهرام احمدی (یانار)

 

باتشکر فراوان از جناب آقای بهرام احمدی شاعر گرانقدر قشقایی