گوءزل دیشده گؤردیم قشنگ دارینگی

ایمانا گل سن اونودما تارینگی

وئر حاجتیم دیلگیر ائدمه یارینگی

قانلی یاشی گوءزلریمدن سیل گوءزل

تا جاواناگ گوءینوگ اه وی باغ اولور

یار چوخ باخار گوءزلری یُوْرناغ اولور

بیر گون گلیر قارا زولفونگ آغ اولور

یار سوءزونو دُوررو گوهر بیل گوءزل

سن غنی ینک من بیر یازیق قاپینگدا

هئچ سوءز اُلماز سن چالدیگینگ گپینگدا

هئچ تیپی گؤرمدیم شئلال تیپینگدا

بیر گونوگ فراقی منه ایل گوءزل 

آغ بوخاقدا قره خالینگ نمایان

بو دونیادا غافیل اُولما دور اویان

قره زولفونگ آغ اوزونگا سایابان

بیر گوءز آلتی باخ گؤزیمه گول گوءزل

شامی سوءیلر عومروم گئددی بئیبادا

قادر آللاه اوءزی گله یدی   دادا

سن گلمسنگ مه یوس. اولدام دونیادا

هیجرانوگدان داریم اولموش قیل گوءزل

شامی.   پنجشنبه. ۱۲/  ۱۰/. ۹۹