سن اؤره گیم آتان یئرینگ قوناقی
سن زولفونگی بوکَن یئرینگ یاناقی
بو یانان باغرومینگ دارمانی سَنَگ
آی قرنگی گئجه گؤزوم سیناقی


دیشی مَرجان قاشلاری گَه ی اوزونه
گؤزلری گؤی،گؤزلینگ،گؤی،گؤزونه
تُویدا یاغلوق آتماگیندا ،نازونا
چوخ باخمیشام،چیخمز گؤزوم یُورناقی


آرزولویدیم قوناق اولانگ باغروما
نیج اُولدی اُوغرادی بئله اُوغراما
اؤره گیمی قیزیل قانا دوغراما
تا بیلم اُولارانگ دیزیم دایاغی


یُومرولسینگ مئیخانه قریلسینگ جامی
بو فانی ،فانی دیر، یوخدور دووامی
غم و غایقی یئمه سن مسکین شامی
زامانا. الیندن من اؤزؤم یاغی


گل سُوراش حالیمدان گول اوزلی ساغی
زیم زیمه دوشموش دیر کؤیلوم دوداغی
سه و میشم یارادان گله دادیما
گؤینومینگ باغچاسی بیر اوزوم باغی


شامی دئر خوش ائدیم عشقه معشوقه
شیش چگدیم گرماندن گیردیم قوشوقه
گؤزوم دوشدی آی اوزونده ایشیقه
نایمدیدیم اُولدوم اؤز یم قوناقی

« شامی»
۱۹/ ۱۰/ ۱۴۰۱
سینا قی: آزمودن
گَه ی : خوب