گل ای ساقی مئی دن دولدور ساغره
گئجه گوندوز ایشیم آه و زار اُولموش
آند وئرمیشم ،مُحَمَمده باقره
بیر گؤره یدیم ،دونیام سازیگار اُولموش


ساقی سَن کی وئردینگ مَنه مئی یی ناب
آه و زاردان،گؤرمه میشدیر ،گؤزوم خواب
هئچ بیلمه دیم هاردان چیخمیش آفتاب
منیم داها گؤره ن گؤزوم تار اُولموش


بال آچایدی غملر اوچه باشیمدان
فلگ اؤزی مات قالمیشدیر ایشیمدَن
دشمن تیری رَد اُولممیش ،توشیمدن
دوربین کیمین، گؤره ن گؤزوم کور اُولموش


اؤزیم ناشی طبیب ناشی یار ناشی
بیلن کیمسه الدن وئرمیر قارداشی
نادان تاجئر اَلدن وئریر قُماشی
بیر گؤره یدیم ایککی سؤزوم بیر اُولموش

بارایلاها اؤزینگ گلنگ دادیما
غم و قایغی یازدیرمیشنگ آدیما
یامان گونلری سالمیشنگ یادیما
یاشیل چؤلده ،قیزیل گولوم خار اُولدی


منم شامی آغیرائلینگ غلامی
ساعی مَنَم شرین دیلینگ کلامی
اجل آخئر ،دولانورور،. بئله می
اُوندا بیلدَم فانی دونیام دار اُولموش

« شامی»
۱۳/ ۳/ ۱۴۰۲

****

من قوربانم قشنگ یارینگ دارینا
یایلاغیندا. پینارینا قا رینا
یاز گونونده گوللریندا خوارینا

دئدیم گؤزل گلمه گیمه رخصت وئر
دئدی اؤزل قلنگ منه فرصت وئر

گؤرمه گینگه نه تابیم نه تَوان
هئجرانیگدن نچی اُولمام سوهره جان
کاش مئیینگدن ایچمیشیدیم بیر فینجان

سن اُِول ساقی دولدور مئی دن
وئر ایچم
شوم رقیبیم گلیر قوی بوردن قچم

دئدی قورخما پروا ائدمه رقیبدن
منیم اصلاً خوشوم گلمیر غریبدن
تاماشا ائد گون باتاندا غروبدن

دئدیم شرین جانی قویام یولونگا
سُونا اُولام اوچم قونام گؤلونگه


دئدی منده قوربان اُولام تئلینگه
آرخالاق گه ی. شالی باغلا بئلینگه
تاریم قووت وئره قولاج قو
قولونگا

من عاشقم اوجه بویلو بویلارا
من مشتاقام سیجا بویلو به یلره


من شامی یام بَلوط اُوتو یاندیرمیش
اصیل قزینگ أصله ذاتی یاندیرمیش
گؤزلر یمی رقیب توتو یاندیرمیش

ایندی بیلینگ شرین عومروم باش اُولموش
ازل گوندن چارما دُوروم داش اُولموش.


۲۶/ ۳/ ۱۴۰۲ « شامی»