+ نه اولار+

وئره سن بوسه لبیندن منه جانان نه اولار
قویاسان عالمی حییران سنه قوربان نه اولار


اوخمار گوزلریلن قئیقاجی هردن باخاسان
خوش باخان گوزلرینه من اولام حئیران نه اولار


فرق زولفونده منی شانه کیمین گیزله ده سن
دولاشام زولفه گزم منده خورامان نه اولار


آی منی جاندان ائدن گوزلری جئیران بالاسی
بیرباخام گوزلرینه منده دویونجان نه اولار


فورخورام بدنظره توش گله سن گوزویرالار
اوزونو گیزله ده سن گورمویه نادان نه اولار


گول اوزون گورسه خجالت چکه جک گوللی چیچک
سنده گوسترمه اوزون ائت گیله پنهان نه اولار


نه اولارمیش اوره گینده مته بیریئروئره سن
دالدالانسام اوره گینده منی نالان نه اولار


دالداردادولانیرسان بونه عادتدی سنه
گول اوزون ائیلیه سن سنده نمایان نه اولار

دولانیم باشیوه ای بولبول آزاده سرشت
گوسترعباسییه سن مهرینی شایان نه اولار
___
عبدالله عباسیان (عباسی)