داغلارینگ باشی نی آلیب دیر دومان
دولانوب خوش آیام،گچیب دیردوران

دونیایا عالمگیر اولوبدور توفان
ایشلریم گئجه،گون آهی زاراولموش
ازلدن غم ایچین یازلدی آدیم
یاداولسون بیسوتون یونان فرهادیم
کئیوانا یئتیب دیر آهی فیریادیم
گؤرنیجه روزیگارمنه دار اولموش!
یولداشلارکؤچوب دور قالا بیلمنم
فلکدن مورادوم آلابیلمنم
میزقانیم سینیب دیر چالا بیلمنم
ائللریم گؤرنیجه خاری زار اولموش

های آقالار،اوت،توتوبان یانیرام
اؤلکه م ایتیب درد وغمدن نالیرام
یاخچی سؤزلر خوش آیامدان چالیرام
بیلمم نچین قوچ ایگیدلر خاراولموش؟
کؤچنلردن دونیا قالمیش یادیگار
حقدن آیری کیملرقالدی پایدار
ائللرکؤچوب قشقایی نینگ قایی وار
نامی دئر یاخشی گون گلدی پایانا
اومودوم وار یاتان بختیم اویانا
مهنالی سؤزشوهرت اولوراینسانا
چؤره کلی ائللرینگ هشتی چاراولموش!


شعر از شاعر گرانقدر قشقایی استادپناهی آزاد« نامی »