*** بیلمیریم کی ***


بیلمیریم کی عومروم گوءنو تئز باتار
بیلمیریم کی ظالوم اَجَل تئز چاتار
بیلمیریم کی دونیا مَنی موفت ساتار
آمما گئنه یامان فیتنه سالارام
🌼
بیلمیریم کی کوءچیب گئتدَم دونیادان
آیری دوشدام آرواد اوشاق اؤبادان
آمما گئنه آسولارام جافادان
یالان دئییب تُهمَت سوءزی چالارام
🌼
بیلمیریم کی میراث اؤزگه مالی دیر
گئدَن چاغوم ایککی اَلیم خالی دیر
یالان دونیا اینگار  کونار بالی دیر
بئله بیلدَم اَبَدَنچَز قالارام
🌼
گئدَن چاغوم کؤملَر نه لَر  دءی یه جَگ
ییغدیگیمی آیری کیمسه یئیه جَگ
دءی یه جَگدیر آزدیر، مَنی سئیه جَگ
گؤجوم چاتسا خَلخی سوُیوب  آلارام
🌼
یوسوف دئییر تُهمَت سوءزدَن چالارام
گؤجوم چاتسا خَلخی سوُیوب آلارام
گوءزیم گوئریر خزان گَلَر سوُلارام
آمما بئله بیلدَم مینگ ایل قالارام
🌼🙏
یوسف شیبانی فارسیمدان
بیست و یکم تیرماه هزار و چهارصد و یک