بیر گؤزل شعر جناب آقای قربانعلی رضایی شعرلریندن
💥 دوشه بیلمم یاردان آیری
خبر گلدی یاردا سالدی هیجرانی
هرگیز آدی دوشمز دیلیمدن آیری
یار آیریلسا عیشقه سالار قیررانی
الدن گئدر دوشسه ائلیمدن آیری
قلم آغلار کاغذ آغلار آزیلیر
یانان اوره گیمدن یارا یازیلیر
مزاریمدا یاردان آرا قازیلیر
جانیم چیخر دوشر بئلیمدن آیری
سوزلو سوزلو باخدیم داغلار باشینا
اوره گ جوشدو دوندو گوزلر یاشینا
طیفان دوشدو قره بختیم داشینا
نیجه اولور دوشم گلیمدن آیری
شووقوم گئتدی گیرمم یارینگ باغینا
مدهوش اولمام گوزل یازینگ چاقینا
باخا بیلمم آقجا قارینگ داغینا
نیجه سالام یاری کویلیمدن آیری
صبا اسدی گوللار دوشدو اویونا
بولبول گلدی قوندو گوللار بویونا
باشیم دوندو اوره گ های و هویونا
نیجه دوشم ساری گولومدن آیری
کوهنا دونیا بیزیم اینن ساز اولماز
باغریم یانار کویلیم اه وی یاز اولماز
کیم دئیر کی یاردا عیشوه ناز اولماز
مجنون کیمین اولمام لئیلیمدن آیری
ائل قونایدو چای و چیمن یوردونا
گوزوم دوشه هئل و میخک موردونا
یاردا اولا طبیب اوره گ توردونا
همایونام اولمام چولومدن آیری
۳۱ / ۰۳ / ۱۴۰۱ شیراز
استفاده از اشعار ونوشته های نویسندگان وشاعران با ذکر منبع ونام نویسنده وشاعر وکسب اجازه از ایشان مقدور است.