شعر زیبای قشقایی از شاعر ارزشمند قشقایی جناب آقای حاج مسیح رحیمی رضایی
گؤنگول
گؤنگول نه یادمیشنگ خوابه غفلته
کؤچدی. کاروان یولار بیابان اولدی
گل خیال ائیلا سن رنج و محنته
هر سؤزینگ دن غملی اؤره گ قان اولدی
نه یولا گچیردیم گئجه یی گونو
ائدمدیم طاعتی لایلادیم دینی
خوشلوقا گچیردن دورانوم. هانی
بی خیال اوتوردوم خوش دوران نولدی
هئچ بیلمدیم خوش اییامینگ قدرینی
تامام اولدی بو دونیامینگ دؤرد گونو
نه یین. چگم یامان گونوگ دردینی
من ایندی بیلدیم کی گون یامان اولدی
گچدی روزیگاریم دولاندی دوران
قدرتیم ثروتیم تئز اولدی ویران
جوانلوگیم گئدی اولدوم سَرگردان
بو دونیا باشوما نوح تیفان اولدی
شامی خوش دورانی وئرمیشنگ بادا
چند صباحی اگر قالسانگ دونیادا
یقین بیل کی آتدان اولدنگ پیادا
گچدی دوران ؛ خوش گونوگ یامان اولدی
شامی ۲۵/ ۶/ ۹۹
+ نوشته شده در پنجشنبه شانزدهم بهمن ۱۳۹۹ ساعت 20:39 توسط ائلیانا شاملو
|
استفاده از اشعار ونوشته های نویسندگان وشاعران با ذکر منبع ونام نویسنده وشاعر وکسب اجازه از ایشان مقدور است.