«تیفان»

منی بوردان اوزاغا
قوپ آی تیفان قاز آپار
شعریمی بیر یارپاغا 
یاشلاریمنان یاز آپار

🌸🌸

سن آتدینگ بورا منی
گئنگلیگدن دارا منی 
ایندی دؤن آرا منی
بوکول ائتمه ناز آپار

🌸🌸

سن بو ساری یارپاغی
سن بو چیچک سیز باغی
تیفان سن توز تورپاغی
قیش گتیردینگ یاز آپار

🌸🌸

غریب سه یرم بوردا من
چوخ غم یئیرم بوردا من
شعره دئیرم بوردا من
غملری آز آز آپار

🌸🌸

گؤریرم اینسانلاری
«یانار» باغری قانلاری
تیفان قره گؤنلری
داش اوستونه قاز آپار 

بهرام احمدی«یانار»
۹۹/۱۰/۱۱